करोड क्लबमा दयाहाङ–मिरुनाको ‘घरज्वाइँ’

काठमाडौं– शुक्रवारदेखि प्रदर्शनमा आएको अभिनेता दयाहाङ राई तथा अभिनेत्री मिरुना मगरको मुख्य भूमिका रहेको फिल्म ‘घरज्वाइँ’ को दुई दिनको बक्स अफिस रिपोर्ट सार्वजनिक भएको छ । यो फिल्मले शुक्रवार तथा शनिवार दुई दिनमा एक करोड ५१ लाख रुपैयाँ ग्रस कलेक्सन गरेको निर्माण पक्षले जनाएको छ । जनक घर्ती मगरद्वारा निर्माण गरिएको यो फिल्मको निर्देशन अनिल बुढा मगरले गरेका हुन् । प्रदर्शनको पहिलो दिन शुक्रवार विहान झरीका कारण केही प्रभावित भएको यो फिल्मको शो शनिवार आक्रामक भएको थियो । बर्ड अफ माउथको प्रभावका कारण यो फिल्मले आइतवार पनि उत्कृष्ट व्यवसाय गरेको निर्माण ...