आफ्नै निवासमा मृत भेटिएकी आरती साहका श्रीमानलाई थुना पठाउने सर्वोच्चको आदेश

(फाइल तस्बिरः आरती साहलाई न्याय माग गर्दै काठमाडौंमा प्रदर्शनरत परिवारका सदस्य ।) काठमाडौं– अन्ततः जनकपुरको आफ्नै निवासमा करिव साढे छ महिनाअघि मृत भेटीएकी आरती साहले न्याय पाएकी छिन् । उनका श्रीमान् मोतीबाबु साहलाई सर्वोच्च अदालतले थुनामा पठाउने आदेश दिएको छ । सर्वोच्च अदालतका न्यायाधीश नहकुल सुवेदी तथा तिलप्रसाद श्रेष्ठको इजलासले उच्च अदालतको आदेश उल्ट्याउँदै बुधवार आरतीका श्रीमान मोतीबाबुलाई थुनामा पठाउने आदेश दिएको हो । आरती गत जेठ ७ गते जनकपुर–९, थापाचोकस्थित आफ्नै घरमा मृत फेला परेकी थिइन् । माइती पक्षले आरतीको हत्या श्रीमान तथा ससुराले दाइजोको निहुँमा गरेको आरोप लगाउँदै आएका ...