गाजाको अवस्थाबाट चिन्तित व्यक्तिले पेरिसमा गरे आक्रमण, एक व्यक्तिको मृत्यु

पेरिस– फ्रान्सको राजधानी पेरिसमा शनिवार आईफल टावर नजिक एक व्यक्तिले पर्यटकमाथि आक्रमण गरेका छन् । उक्त घटनामा एक व्यक्तिको मृत्यु भएको छ भने अन्य दुई घाइते भएका छन् । प्रहरीले २६ वर्षीय एक फ्रान्सेली नागरिकलाई पक्राउ गरेको छ । ती व्यक्तिले पहिला पनि एउटा आक्रमणको योजना बनाएकोमा २०१६ मा चार वर्षका लागि जेल सजाय सुनाइएको गृह मन्त्री गेराल्ड डारमेनिनले बताएका छन् । घटनाका आरोपी व्यक्ति फ्रान्सेली सुरक्षा सेवाको निगरानी सूचीमा राखिएको थियो र उनी मानसिक रोगको पनि सामना गरिरहेका डारमेनिन बताउँछन् । घटना अन्तर्राष्ट्रिय समयानुसार करीब सात बजे भएको हो । ती व्यक्तिले ...