सामाजिक सञ्जालमा छायो ‘बेहुली’ को गीत ‘दिलमा ठाउँ छ’

काठमाडौं– आगामी भदौ २६ गतेदेखि प्रदर्शनमा आउन लागेको नयाँ नेपाली फिल्म ‘बेहुली’ हालै सार्वजनिक गीत ‘दिलमा ठाउँ छ’ ले यतिबेला डिजिटल प्लेटफर्ममा कब्जा जमाएको छ । सार्वजनिक भएको चार दिन मै युट्युबमा १३ लाखभन्दा बढी भ्युज बटुलेको यस गीतमाथि टिकटकमा मात्रै २ लाख ५० हजार भन्दा धेरै भिडियो बनिसकेका छन् । फेसबुक र इन्स्टाग्रामका रीलहरूमा पनि यतिबेला यही गीत भाइरल छ । छोटो समयमै गीतले यति ठूलो सफलता हात पार्नु पछाडि यसको लोक फ्लेभर तथा सुमधुर संगीत मुख्य कारण हो । संगीतकार अर्जुन पोखरेलले तयार पारेको क्याची धुन एकपटक सुनेपछि जो ...