‘आईसीयूबाट जनरल वार्डमा सारिएकी छिन् दीपाश्री’

काठमाडौं– नेपाली फिल्म क्षेत्रकी चर्चित अभिनेत्री तथा निर्देशक दीपाश्री निरौलाको मस्तिष्कमा ट्युमर (ब्रेन ट्युमर) रहेको पुष्टि भएपछि नेपालमै सफल शल्यक्रिया गरिएको छ । अभिनेता तथा निर्माता दीपकराज गिरीले सामाजिक सञ्जालमार्फत जानकारी दिँदै पछिल्लो एक साता आफूहरूका लागि निकै चुनौतीपूर्ण र कठिन समय रहेको बताएका छन् । गिरीका अनुसार ‘छ माया छपक्कै–२’ को सुटिङ चलिरहेका बेला दीपाश्रीको स्वास्थ्य परीक्षण गर्दा ब्रेन ट्युमर भएको पत्ता लागेको थियो । त्यसपछि निर्माण टोली अन्योलमा परेको तथा चिकित्सकहरूले तत्काल शल्यक्रिया गर्नुपर्ने सुझाव दिएका थिए । धेरै ठाउँबाट उपचारका लागि भारत जान सल्लाह आए पनि अन्ततः नेपालमै ...