दिल्लीस्थित नेपाली राजदूतावासको ‘नेपाली चलचित्र महिना’ प्रारम्भ, हरेक साता एक नेपाली फिल्म प्रदर्शन गरिने

काठमाडौं– भारतको नयाँ दिल्लीस्थित नेपाली राजदूतावासले नेपाली चलचित्र, भाषा, कला, संस्कृति तथा कलाकारको प्रवर्द्धन गर्ने उद्देश्यले यही जुलाई महिनाभर विशेष ‘नेपाली चलचित्र महिना’ कार्यक्रम सञ्चालन गरेको छ । कार्यक्रमअन्तर्गत हरेक साता एक नेपाली फिल्म प्रदर्शन गरिने छ भने सम्बन्धित फिल्मका कलाकार, निर्देशक तथा चलचित्रकर्मीलाई समेत आमन्त्रण गरी दर्शकसँग अन्तरक्रिया गराइने व्यवस्था गरिएको छ । राजदूतावासले नेपाली फिल्मलाई अन्तर्राष्ट्रिय स्तरमा चिनाउने, भारतमा रहेका नेपाली समुदायलाई आफ्नो भाषा, कला र संस्कृतिसँग अझ नजिक जोड्ने तथा नेपाली चलचित्र उद्योगको विकासमा योगदान पुर्‍याउने उद्देश्यले यो अभियान प्रारम्भ गरेको जनाएको छ । यस कार्यक्रममार्फत नेपाली फिल्मको ...