मंसिर २६ गतेदेखि प्रदर्शनमा आउने भयो नयाँ नेपाली फिल्म ‘लोकन्ती’

काठमाडौं– कृसन फिल्म्सले निर्माण गरेको नयाँ नेपाली कथानक फिल्म ‘लोकन्ती’ आगामी २०८२ मंसिर २६ गते शुक्रवारदेखि देशभर प्रदर्शनमा आउने भएको छ । परिवार, संघर्ष, प्रेम, शान्ति र द्वन्दको कथा समेटिएको यो फिल्मलाई निर्माता–निर्देशक रञ्जित राना मगरले ‘पूर्ण पारिवारिक ड्रामा’ का रूपमा प्रस्तुत गरेका छन् । यो फिल्ममा अभिनेता एसराज गराच प्रमुख भूमिकामा प्रस्तुत भएका छन् । काभ्रे जिल्लाका विभिन्न रमणीय लोकेशनमा छायांकन गरिएको यो फिल्म पारिवारिक प्रेम कथामा आधारित छ । यो फिल्मका निर्माता सन्तोष न्यौपाने हुन् । यो फिल्ममा अभिनेता गराचले मोडल तथा अभिनेत्री ऋचा थापासंग अनस्क्रिन रोमान्स गरेका ...