नयाँ वर्षमा स्क्रिप्ट पूजा गर्दै ‘जदौ’ को घोषणा

काठमाडौं– नयाँ वर्ष २०८२ को पहिलो दिन अर्थात आज वैशाख १ गते सोमवार झण्डै आधा दर्जन नयाँ नेपाली फिल्महरु निर्माण हुने घोषणा गरिएको छ । ती फिल्महरुमध्ये एक हो ‘जदौ’ । नयाँ वर्ष २०८२ सालको अवसरमा सिल्भर स्क्रीन इन्टरटेनमेन्ट प्रालि तथा समिश्रण मुभिज एण्ड इन्टरटेनमेन्टको सहकार्यमा नयाँ नेपाली फिल्म ‘जदौ’ निर्माणको घोषणा गरिएको हो । सोमवार बिहान काठमाडौंको भद्रकाली मन्दिरमा फिल्मको स्क्रिप्टको पूजा गरिएको लेखक काजी लिम्बूले जानकारी दिएका छन् । ‘जदौ’ को निर्देशक, प्राविधिक तथा कलाकारको बारेमा केही दिनमा पूर्ण जानकारी दिइने निर्माण पक्षले जनाएको छ ।