निफमा पहिलो पटक रसियन फिल्म

काठमाडौं– बिहीवारदेखि काठमाडौंमा जारी नेपाल अन्तर्राष्ट्रिय फिल्म महोत्सव (निफ) को क्रममा रुसी फिल्महरूको प्रदर्शन आयोजना गरिएको छ । शनिवार काठमाडौंको छायाँ सेन्टरमा रोस्किनोले रुसी चलचित्र दिवसको आयोजना गरेको हो । रोस्किनोद्वारा आयोजित तथा रूसी संस्कृति मन्त्रालयको सहयोगमा तीन वटा रुसी फिल्महरु प्रदर्शनी गरिएको छ । प्रदर्शन भएका फिल्महरुमा चार चौथाई, न्युरेम्बर्ग र हामी तीन जना छन् । निफका अध्यक्ष केपि पाठकले निफमा रसियन चलचित्र दिवस पहिलो पटक मनाएकोमा खुशी व्यक्त गरे । उनले विभिन्न देशसँगको चलचित्र सहकार्य कायम गर्न खोजेको र संसारका चलचित्र नेपालीसहित विश्वमाझ देखाउन चाहने बताए । ...