कर नतिर्ने सिनेमा हलहरुका लागि कडा बन्दै बोर्ड अध्यक्ष डिसी

काठमाडौं– चलचित्र विकास बोर्डका अध्यक्ष दिनेश डिसीले कर नतिर्ने सिनेमा हलहरुलाई करको दायरा र नियममा ल्याएको बताएका छन् । आइतवार काठमाडौंमा आयोजित ‘दोस्रो कर्णाली अन्तर्राष्ट्रिय चलचित्र महोत्सव’ को पत्रकार सम्मेलनमा अध्यक्ष डिसीले पाँच वर्षदेखि करको दायरामा नआएका २१ वटा सिनेमा हलमध्ये प्रमुख छ वटा हलहरुमा प्रशासनको ताल्चा लगाएपछि सम्पूर्ण सिनेमा हलहरु करको दायरा र नियममा आएको बताए । ‘सातदेखि १० दिनभित्रमा स्टुडियोको टेन्डर खोल्दै छौँ । यो पहिलादेखि रोकिएको थियो । वैशाख १ गतेदेखि रियल टाइम बक्स अफिस लाग्छ । यही बीचमा २१ वटा सिनेमा हलहरुलाई कानुनको दायरामा ल्याउने प्रयास ...