दयाहाङ राई बने विराटनगर किङ्ग्सको ब्राण्ड एम्बेसडर

काठमाडौं– विराटनगर किङ्सले लोकप्रिय अभिनेता दयाहाङ राईलाई आगामी नेपाल प्रिमियर लिग (एनपिएल) का लागि आफ्नो ब्राण्ड एम्बेसडर घोषणा गरेको छ । आइतवार काठमाडौंमा आयोजित पत्रकार सम्मेलनमा राईलाई ब्राण्ड एम्बेसडर घोषणा गरिएको हो । ब्राण्ड एम्बेसेडरको रूपमा विराटनगर किङ्ग्समा आवद्ध हुँदै अभिनेता राईले नेपाली खेलकुदमा पनि आफ्नो उपस्थिति जनाएका हुन् । उनले यो टिमसँग जोडिन पाउँदा खुसी लागेको बताए । ‘विराटनगर किङ्ग्सको लागि यो एउटा नयाँ आयाम हो । विराटनगर किङ्ग्सले यो अवसर दिएकोमा धेरै–धेरै धन्यवाद । यो टीमसँग जोडिन पाउँदा निकै खुसी लागेको छ । क्रिकेटले हामी सबैलाई धेरैसँग जोडेको छ । ...